Stories kan ons verder vat na ’n plek waar ons horisonne verskuif en ons eie persoonlike wêreld verruim word.
Stories kan ons nader vat na ’n plek waar ons ons gemeenskaplike menswees beleef.
Deur stories kan ons ons unieke andersheid beleef en herken, maar ook ons menslike eendersheid.
Stories is spieëls van ons en ander se menswees.
Om te kan lees beteken om geletterd te wees – jy het dus die vermoë om geskrewe letters, waar hulle ook al mag voorkom: straatname, koerante, etikette op produkte, gebruiksaanwysings ens. te interpreteer en te begryp. Hulle maak vir jou sin (sinne).
Die nuwe kurrikulum vereis insig van leerders. Insig word verkry deur ervaring. Stories is addisionele ervarings, want ‘n storie is maar net ‘n spieëlbeeld van die lewe.
Voorlees- en selfleesstories stimuleer die verbeelding
Verbeelding is belangriker as kennis
Albert Einstein
Die waarde van stories is eintlik vanselfsprekend, as ‘n mens net daaroor nadink.
